ဖိလစ်ပိုင်သမ္မတနိုင်ငံဆိုင်ရာ မြန်မာသံအမတ်ကြီး ဦးလွင်ဦး၏သံအမတ်ကြီးခန့်အပ်လွှာပေးအပ်ခြင်းအခမ်းအနားအောင်မြင်စွာပြီးမြောက်ခြင်း

ဖိလစ်ပိုင်သမ္မတနိုင်ငံဆိုင်ရာ မြန်မာသံအမတ်ကြီး ဦးလွင်ဦး၏သံအမတ်ကြီးခန့်အပ်လွှာပေးအပ်ခြင်း အခမ်းအနားကို ၂၀၁၉ ခုနှစ်ဒီဇင်ဘာလ ၄ ရက်၊ညနေပိုင်းတွင် သမ္မတအိမ်တော်(မာလကာနဲန်နန်းတော်) တွင်ကျင်းပြုလုပ်ခဲ့ရာ ဖိလစ်ပိုင်သမ္မတနိုင်ငံ၊သမ္မတကြီး H.E. Mr. Rodrigo Duterte မှ သံအမတ်ကြီးခန့်အပ်လွှာကို လက်ခံခဲ့ပါသည်။

ရှေးဦးစွာသံအမတ်ကြီးဦးလွင်ဦးမှ Rizal Park တွင် လွမ်းသူပန်းခွေချပြီးနောက် သမ္မတအိမ်တော် တွင် ဂုဏ်ပြုတပ်ဖွဲ့၏ အလေးပြုခြင်းကိုခံယူပါသည်။ ထို့နောက်ဧည့်သည်တော်မှတ်တမ်းစာအုပ်တွင်လက်မှတ်ရေးထိုးပါသည်။

ထို့နောက်သမ္မတနန်းတော်ခန်းမတွင်ခန့်အပ်လွှာပေးအပ်ပွဲအခမ်းအနားပြုလုပ်ရာ သမ္မတကြီးနှင့်အတူ နိုင်ငံခြားရေးဝန်ကြီး H.E. Mr.Teodoro Lopez Locsic, Jr တက်ရောက်ပြီး သံအမတ်ကြီးနှင့်အတူ ဇနီး၊ သံမှုးကြီး ဦးတင်ဇော်၊ စစ်သံမှုး(ကြည်း၊ရေ၊လေ)ဗိုလ်မှုးချုပ်အောင်မျိုးအေး နှင့်သံရုံးဝန်ထမ်းများတက်ရောက်ခဲ့ပါသည်။ သံအမတ်ကြီး ခန့်အပ်လွှာပေးအပ်ပြီးနောက် သမ္မတကြီးမှ နှစ်နိုင်ငံပူးပေါင်းဆောင်ရွက်ရေးနှင့်အခြားကိစ္စရပ်များကို ရင်းရင်းနှီးနှီးဆွေးနွေးခဲ့ရာ သံအမတ်ကြီးမှ အပြန်အလှန်ဆွေးခဲ့ပါသည်။
ပြီးနောက်သမ္မတကြီးမှ သံအမတ်ကြီးခန့်အပ်လွှာပေးအပ်ပွဲ မှတ်တမ်းဓါတ်ပုံအယ်ဘမ်ပေးအပ်ခဲ့ပါသည်။